Kriol elfabet pousta redi na

Kriol alphabet posterWen mela bin statimap dijan Meigim Kriol Strongbala projek dis yiya, mela bin wandi meigim loda gudwan risos bla Kriol. If dis Kriol nomo garrim gudwan risos, dei kaan pudum Kriol la skul gudwei lagijat. Dis wik na, mela brabli gudbinji bla dalim yumob det mela nyuwan, purdiwan Kriol Elfabet pousta bin kamat en enibodi gin baiyim from Batchelor Press iya: http://batchelorpress.com/node/387.

Mela gaigai la Batchelor Press bla hau thei bin meigim djian pousta - ola pitja braitwan en ola wed mela bin pudum jeya, im shoum yu ola leta en saun bla Kriol. Det pousta yu gin baiyim difren saiswan, gulum A3 (lilbit bigwan), A2 (bigwan) en A1 (brabli bigwan). Luk mowa stori bla dijan Kriol Elfabet pousta la det 'risos' pat la dis websait.

Mela wandi luk djian pousta la loda wol en klasrum ol oba Kriol Kantri neks yiya la 2020! Bla baiyim, yu gu la Batchelor Press: http://batchelorpress.com/node/387 en trai dalim najamob bla dijan pousta du.

Bulurum Mela

Scroll to Top
Gubek la top