Nyuwan bidiyo gada Kriol bla album ola dog jidan seif brom nyuwan siknis

Ola betmob en enibodi hu laigim dog, alabat wori mijel tudei dumaji wanbala nyuwan siknis gulum Ehrlichiosis bin gaman la Ostreilya en im la ola bush komunidi du. Dijan stori la ABC nyus brom las yiya, im tok raitap 1,000 dog bin dai olredi en maitibi bigismob garra dai yet: Exotic tick-borne disease ehrlichiosis expected to kill thousands of dogs in NT (ABC, Disemba 22, 2020)

Las yiya, wanbala oganaiseishin gulum AMRRIC (Animal Management in Rural and Remote Indigenous Communities) bin meigim nyuwan bidiyo bla album wi dogmob jidan seif brom siknis dei gedim brom tikmob, laik Ehrlichiosis. Detmob la AMRRIC bin askim mela bla trensleitim alabat bidiyo la Kriol en yu gin luk det bidiyo na. Im gudwan dumaji im album yu meiksho yu dog gin jidan seifwan, hepiwan en helthiwan. Trai luk en shoim najamob du!

Iya yu gin faindim det Kriol bidiyo bla Ehrlichiosis la det websait bla detmob la AMRRIC: https://www.amrric.org/resources/view/tickanimationkriol/

Yu laigim luk dijan stori gada Inggalish?
Klikim det 'English' batin jeya antap bla luk dijan seim websait bat olawei gada Inggalish.

 

Bulurum Mela

Gubek la top