Kriol buk staring la Australian Reading Hour

La Thesdei Septemba 19, det Australian Reading Hour askim ebribodi la Ostreilya bla jidan bla wan awa en rid misal o la biginini. Dijan im bla meigim pipul jinggabat hau riding im gudwan bla yu. Im album yu rileks, jinggabat hu yu en gin album yu len.

Dijan im fes taim dei bin pik Kriol buk bla jidan la ola buk thei bin pik bla Australian Reading Hour.Det Kriol buk gulum , Karen Manbulloo brom Binjari bin raidim. Im gudwan buk bla eni biginini dumaji im garram Ingglish deya du la itj peij. Im gada braitwan pitja olawei en im dalim stori bla wanbala bigibigi dei bin faindim la bush en groimap im gada Witbik.

Det Karen, dei bin pudum im laiga spokesperson bla det Australian Reading Hour en imin tok:

Mi gudbinji bla bi la dis Australian Reading Hour en mi gudbinji bigismob garra rid main buk Moli det bigibigi. Mi gudbinji du det eni biginini gin rid dijan buk dumaji im garram Ingglish en Kriol. Moli det bigibigi im feswan buk main grentjilren bin rid gada alabat oun langgus.

im la loda klasrum weya ola Kriol kid lisinbat la det stori, en najalot kid brom longwei du. Mela houp mowa en mowa pipul laigim ridimbat dijan buk wen im Australian Reading Hour!

imin kamat brom Indigenous Literacy Foundation en yu gin baiyim brom Pan MacMillan bla oni $2.99 bat nomo longtaim

Bulurum Mela