Moli det bigibigi Moli det bigibigi im buk gada lorra pitja en kala en im brom Karen Manbulloo brom Bunjari. Det stori im trubalawan. Im bla wanbala bigibigi brom bush weya dei bin groimap im gada Witbik en imin jidan la komyunidi jis laik im femili. Det stori imin kamat 2017 thru detIndigenous Literacy Foundation en imin pat ob det proujek gulum 'Binjari Buk' proujek. Bambai imin kamat laiga brabli buk brom afta najamob brom Pan Macmillan bin sapot det buk en didei enibodi gin baiyim.
Afta det buk bin fes kamat, Moli det bigibigi pipul la Binjari en Katherrain bin laigim det Moli det Bigibigi buk. La 2019, dei bin pik det buk bla bi wanbala buk la det Australian Reading Hour. Maitbi im det mos feimiswan Kriol buk na, ibin sambala politishin la Kenbra bin tok bla det buk, laik det wanbala neim Tanya Plibersek.
.@GrahamPerrettMP, @gedkearney and I took a few minutes before Question Time to share one of the @AusReadingHour 2019 books, Molly the Pig.
We’re not quite Play School presenters… but we gave it a go. pic.twitter.com/QqQyqhJOp5
— Tanya Plibersek (@tanya_plibersek) September 19, 2019
Det Karen weya imin raidim dijan stori bin gu longwei bla sheya det stori bla Moli det Bigibigi. Iben det NSW Department of Education bin gai la det buk. La det Feisbuk peij bla alabat, yu gin luk Karen ridimbat im stori en wansaid la im, wanbala yangboi neim Dwein brom La Perouse Skul la Sidni, im rid det Ingglish pat:
Moli det bigibigi Moli det bigibigi, im brom Karen Manbulloo (Binjari). 24 peij, gada pitja. Kriol gada Ingglish andanith. Det pablisha im Indigenous Literacy Foundation en yu gin baiyim brom mela onlain shop.