Smiling Mind: bla irrim stori en rileksrileks

Mela bin pudum dijan wansaid la ola bidiyo, bat dijan iya nomo bidiyo. Bat im brabli gudwan en mela bin wandi shoum yumob. 2019, wanbala oginaiseishin gulumSmiling Mindbin meigim fobala rikoding gada Kriol. Munanga gulum diskain rikoding 'meditation'. Im bla meigim yu fil kam en bla rileks en bla abum gudwan gabarra en libu stres. Dismob rikoding gudwan bla biginini du. Im meigim alabat setuldaun en gibit alabat kliyawan gabarra.

Det app gulum 'Smiling Mind' bin olredi abum bigismob rikoding gada Ingglish, bat la 2019 thei bin edimin rikoding bla thribala blekbala langgus. Wanbala bin Kriol. Yu gin luk wanbala Stori la ABC bla dijan iya. Dismob rikoding gada Kriol, sambala olredi irrimbat en yusumbat la klasrum, en thei reken im album bigininimob.

Fobala Kriol rikoding jeya bla irrim. Nomo longwan, maitbi oni 5 o 10 minit.

  1. Det Traburlin Baburl Stori
  2. Belly Breathing (Binji Bluwinbluwin)
  3. Faindimbat Ola Saunmob
  4. Jinggabat Hau Yu Garra Mub

Yu gin luk det lilwan buk thei bin meigim la Smiling Mind. Jeya, thei bin raidimdan det fobala stori en wanim im min gada Ingglish. Thei gibit olkain infameishin la det lilwan buk. Yu gin luk iya: SmilingMind Kriol buk

Bla gajim det Smiling Mind app en stat yusumbat, bulurum dijan:

If yu yusumbat dislot rikoding, mela laigim irrim stori brom yu.

Bulurum Mela

Scroll to Top
Gubek la top