Kriol Awareness Course Brom Ngukurr Langgus Senta

Eberri kapula manth, det langgus senta la Ropa, Ngukurr Language Centre, dum Kriol Kos. Im tu deis det kos en dei gulum 'Kriol Awareness Course'.

Det kos, dei dum wikentaim gada lilwan grup - maitbi 10-15 munanga - en bla alabat titja im kapula Kriol spika en linggwis du. Dei dum det kos la Ropa en yu kaan faindim detkain kos la eni atha komyunidi, weya munanga gin len Kriol lilbit jeya gin la komyunidi weya eberribodi tok Kriol. La det kos, munanga len bla hau bla pranaunsim en raidimdan Kriol, hau bla meigim sentens en stori gada Kriol, hau bla tok gudwei la blekbala en hau ola Kriol spika tok bla femili. Detmob hu kaman bla det kos, dei kaman from longwei - Katherrain o maitbi Dawin du. Bla detmob weya dei kaman la Ropa bla det kos, alabat gin stop la det motel la Ropa gulum Darlala Motel.

Det nekswan Kriol Awareness Course garra bi Oktouba 23 en 24, 2021. Bla mowa infameishin en bla sainap, gu la det Ngukurr Language Centre websait: https://ngukurrlc.org.au/

O yu gin tok la Ngukurr Language Centre en faindat wotaim det nekswan kos garra. Yu gin kol la alabat la 8977 4225 o imeil contact@ngukurrlc.org.au o luk la alabat Feisbuk peij bla faindat mowa.

 

Bulurum Mela

Gubek la top