Infameishin bla Coronavirus gada Kriol (from Eiprul 13)

Yu laigim luk dijan stori gada Inggalish? Klikim det 'English' batin jeya antap.

Dis Coronavirus im geding siriyus na en im important bla abum infameishin bla dis Coronavirus gada Kriol. Wen im la Kriol, im meiksho ebribodi sabi, nomo oni munanga en detmob garram gud Inggalish.

 

Mela bin faindim sambala Kriol infameishin bla dis Coronavirus. Yumob shud irrim, luk en ridim en yumob shud sherim garra yu femili o la yu wekpleis. Iya mela bin pudum ola risos mela bin faindim. Kipgon en luk andanith bla mowa stori bla dismob risos:

 

  1. SecureNT - Shotwan stori - oni bla irrim - Issaid Kriol en Wessaid Kriol (thei bin meigim midul ob Matj)
  2. ABC Nyus gada Kriol (oni bla irrim thei meigim nyuwan gulijap ebri dei - ABC en AISmob meigim dis nyus)
  3. Numbulwar bidiyo - Krounabairis Infameishin (thei bin meigim Matj, la det Numbulwar Culture & Media)
  4. Ngukurr pousta en bidiyo - lilwan pousta en infameishin (Ngukurr Langgus Senta mob bin meigim dijan, la Matj)
  5. Kununurra Kriol pousta (det Mirima Langgus Senta la Kununurra bin meigim dijan, la Matj 22)
  6. Kimberley Kriol infameishin (oni bla irrim, Aboriginal Interpreting WA bin meigim dijan, end ob Matj)
  7. Thribala Kimberley Kriol bidiyo brom KAMS (Kimberley Aboriginal Medical Services, brom Matj 26)
  8. Bidiyo gada Issaid Kriol (5 minit) brom Northern Land Council (brom Matj 30) en thei garrim na brom Wessaid Kriol bidiyo du (brom Eiprul 1)
  9. Tubala pousta gada Kimberley Kriol brom AHCWA - Aboriginal Health Council of Western Australia (brom Matj 31)
  10. Katunwan bidiyo gada Ropa Kriol, brom Ngukurr Langgus Senta (brom Eiprul 1)
  11. Poustamob gada Issaid Kriol brom Chips Mackinolty. Melabat na bin pudum la Kriol (brom Eiprul)
  12. Bidiyo gada Gurindji Kriol brom Kalkaringi (Weib Hil) Skul (brom Eiprul 12)

Jinggabat dijan wen yu irrimbat o ridimbat ola risos mela bin pudum iya

Wen yu irrim dismob rikoding o rid det stori, yu garra jinggabat dis Kriol im lilbit difren la ebri eriya en ebri komunidi. Yu gin maitbi notisim det Kriol im difren, bat shudbi yu gin stil andasten.

Bla gajim mowa infameishin

Dismob risos thei gaman from ol difren komunidi en oganaiseishin. Thei nomo garrim wan mein pleis weya thei meigim diskain infameishin. Bla gajim ola nyuwan-nyuwan infameishin brom Ingglish, luk dismob iya:
Mela houp dislot Kriol rikoding helpful la yumob. If mela faindim mowa, mela dalim yu iya o la mela Feisbuk en Twita wen mela faindim. La dis neks pat, yu gin luk mowa stori bla ola risos mela bin faindim olredi:

 

Mowa stori bla ola Krounabairis risos gada Kriol

 

    1. Detmob gulum 'SecureNT' garrim shotwan mesij garrim Issaid en Wessaid Kriol:

 

  1. La ABC reidiyo, thei meigim Kriol nyuss gulijap ebri dei - klikim iya: https://soundcloud.com/darwinabc/sets/kriol. Dijan ABC Nyus gada Kriol, im laik det Inggalish nyus bat im shotwan lilbit. Im gin dalim wanim det nyuwan stori bla dis Coronavirus. ABC oldei pudum det nyus la det websait gulum 'Soundcloud'. Yu gin daunloudim det nyus en pleiyim jeya gin la - la BRACS, la yu fon o la yu kompyuta, lagijat). Wen thei meigim nyuwan nyus bla tudei, im gamat aftanuntaim.

    1. Numbulwar Culture & Media bin meigim bin meigim wanbala bidiyo garrim gudwan infameishin bla dis Coronavirus (trubala wen thei bin meigim det bidiyo la Matj 17). Dijan bidiyo im bla Numbulwar mob igin bat im yusful la ebribodi en ebribodi gin andasten. Det bidiyo im sho jeya andanith o bulurum dis lingk: https://www.facebook.com/numbulwar/videos/1458946260953877/

    1. Ngukurr Langgus Senta bin meigim wanbala posta gada Ingglish en Kriol en im garrim important infameishin bla dijan siknis en hau wi stabum mijel brom gibit det siknis la najawan. Thei bin hendimat det notis la Ropa en Ngukurr Skul bin pudum la alabat feisbuk peij. Afta det, thei bin meigim bidiyo gada det seim stori en yu gin luk im la dijan lingk o luk det bidiyo jeya andanith.

  1. Det langgus senta la Kununurra, Mirima Dawang Woorlab-gerring Language and Culture Centre, bin meigim wanbala sain gada Ingglish en Kriol en dei bin pudum la alabat Feisbuk (im sho jeya andanith). Dijan im gudwan, speshili bla alabat la WA en sangudan brom Katherine.

    1. Aboriginal Interpreting WA bin meigim fobala rikoding gada Kimberley Kriol.Dei bin meigim tubala shotwan rikoding bla Jidan Klinwan en Nomo Gibit La Enibodi.Den dei garrim tubala lilbit longwan rikoding, bla hau wi gin jidan seif brom dis Krounabairis. Wanbala rikoding im bla Stop deya la yu komunidi en det najawan im bla Gobek La Yu Komunidi. Yu gin lisin dismob rikoding jeya andanith:

  1. Kimberley Aboriginal Medical Services bin meigim thribala bidiyo gada Kimberley Kriol. Detmob bidiyo bin gamat Matj 26:

  1. Lilbit longwan bidiyo gada loda infameishin bla Krounabairis bin gamat brom Northern Land Council Matj 30. La Eiprul (Eiprul 1), thei bin pudum Wessaid Kriol bidiyo du: https://youtu.be/BjiihnfiVnU. Det YuTjub peij bla NLC gada det seimwan bidiyo gada difren langgus du, laik Inggurra, Burarra en Pitjantjatjara. Iya na det bidiyo gada Issaid Kriol:

  1. Aboriginal Health Council of Western Australia (AHCWA) bin meigim tubala pousta gada Kimberley Kriol ( Aboriginal Interpreting WAbin album alabat dum en imin kamat Matj 31). Wanbala pousta im bla hau yu sabi yu garrim det bairis , det najawan im blanga kipumbat ola komunidi seif. Maidi yu luk det speling la det pousta im difren. Tharran jeya dumaji la Kimberley thei raidim Kriol alabat oun wei, en im difren from det speling la NT (en hau wi dum la dis websait):

  1. Ngukurr Langgus Senta bin meigim wanbala katunwan bidiyo gada Ropa Kriol. Im garrim infameishin en stori bla hau bla jidan seifwan. Thei bin meigim garrim detmob gulum Highway Learning. Det bidiyo bin gamat Eiprul 1:

  1. Wanbala atis neim Chips Mackinolty bin meigim pousta mob gada difren mesij. Northern Land Council en AMSANTbin album im en sambala pudumbat ola pousta la difren langgus. Melabat na bin album alabat pudum la Kriol. Yu gin luk ola pousta iya, en mela bin pudum mowa stori jeya, laik wanim thei min gada Ingglish. Wanbala pousta im sho iya:

  1. Det skul la Weib Hil bin meigim Faib minitwan bidiyo gada Gurindji Kriol . Det bidiyo im tok bla hau ola komunidi la det eriya gin jidan seif brom Krounabairis. Gurindji Kriol im difren brom Kriol, dumaji im garrim loda Gurindji wed. Kriol spikamob brom najamob eriya maitbi kaan andasten gudwei. Yu gin irrim hau im difren wen yu luk det bidiyo jeya andanith. Dijan bidiyo im gudwan speshili bla ola komunidi la Bik Riba eriya, laik Weib Hil, Daguragu, Yarralin en Timba Krik:

 

Dis pat im dalim yu hau mela bin apdeitim dis websait en edimin ola stori

Apdeit - Matj 17, 2020

Apdeit - Matj 19, 2020

Apdeit - Matj 22, 2020

Apdeit - Matj 24, 2020

Apdeit - Matj 30, 2020

Apdeit - Eiprul 1, 2020

Apdeit - Eiprul 6, 2020

Apdeit - Eiprul 13, 2020

Yu laigim luk dijan stori gada Inggalish?
Klikim det 'English' batin jeya antap bla luk dijan seim websait bat olawei gada Inggalish.
Scroll to Top
Gubek la top